პარასკევი, 2024-12-27, 11:13 AM
მოგესალმები სტუმარი | RSS "რაღაცნაირი" ბრუნდება, წრწოდეთ მემკვიდრის მტრებო!
მთავარი » 2011 » ნოემბერი » 4 » მითები ასტრონომიაზე
1:15 AM მითები ასტრონომიაზე |
1) პოპულარული მითი, რომელიც ფართოდ აიტაცა საზოგადოებამ, არის ის, რომ თითქოს სავსე მთვარეობისას დანაშაულთა რიცხვი იმატებს და ადამიანები უფრო აგრესიულები ხდებიან. რეალურად, ამ საკითხთან დაკავშირებით არ ჩატარებულა სტატისტიკა და მიიჩნევა ფსევდომეცნიერულ თეორიად. უფრო მეტიც, სულ მცირე ბოლო 30 წლის განმავლობაში უფრო მეტი მტკიცებულება დაგროვდა იმისა, რომ ეს მოსაზრება არასწორია.
2) თუკი ღრმა ჭის ფსკერზე დადგები და ზევით აიხედავ, ვარსკვლავებს დაინახავ – ალბათ ერთხელ მაინც უთქვამთ თქვენთვის, ან ყურმოკვრით გაგიგიათ. ეს უძველესი მითია, რომელსაც ჯერ კიდევ არისტოტოლეს ნაშრომებში ვხვდებით, თუმცა ალბათ მიხვდით, რომ მცდარია. რასაც ქვემოდან დაინახავთ, არის კედლები, სინათლის ნაკადი და ცის “ნაგლეჯი”.
3) სამეცნიერო ფანტასტიკის ჟანრის ფილმებიდან გავრცელდა მცდარი შეხედულება, რომ ადამიანები ღია კოსმოსში გასვლისას ხომალდს თუ შორდებიან, სივრცეში რამდენიმე წუთს ძლებენ. რეალურად, ადამიანს დაახლოებით 15-30 წამის განმავლობაში შეუძლია ამ მდგომარეობაში გაჩერება. უფრო დიდი ხნით გაჩერების შემთხვევაში ჯერ თავბრუ დაეხვევა, შემდეგ გული წაუვა, ბოლოს კი ასფიქსიით მოკვდება.
4) ღამის ცაზე ჩრდილოეთ ნახევარსფეროში პოლარული ვარსკვლავი არ წარმოადგენს ყველაზე კაშკაშა ვარსკვლავს. ყველაზე კაშკაშა სირიუსია, რომლის სიდიდე შეადგენს −1.46-ს, ხოლო პოლარული ვარსკვლავისა 1.97-ს (რაც დაბალია სიდიდე, მით კაშკაშაა ვარსკვლავი). პოლარულ ვარსკვლავს ყველაზე კაშკაშა ვარსკვლავის ტიტული პატარა დათვის თანავარსკვლავედში აქვს და არა ჩრდილოეთ ნახევარსფეროს ცაზე.
5) მერკური ყველაზე ახლოსაა მზესთან, თუმცა ის არაა მზის სისტემის ყველაზე მხურვალე პლანეტა. ამ სტატუსს ვენერა ფლობს. მიზეზი ნახშიროჟანგით გაჯერებული ატმოსფეროა. მერკურის ზედაპირი საშუალოდ 430 გრადუსამდე ცხელდება, ვენერასი – 460-მდე.
|
|
კატეგორია: მეცნიერება |
ნანახია: 795 |
დაამატა: NuKKeR
| რეიტინგი: 0.0/0 |
|
|
|