there is your blog

k

Capitan — Tue, 12 Jun 2012 15:15:13 GMT

burj khalifa/ხალიფის სასახლე

Capitan — Wed, 04 Apr 2012 15:34:16 GMT

სხვათაშორის ამ შენობაში გადავიხადე დაბადების დღე.
ბურჯ ხალიფა ან ბურჯ დუბაი "ხალიფას კოშკი" სუპერმაღალი ცათამბრჯენი დუბაიში, არაბეთის გაერთიანებულ საამიროებში. აღიარებულია როგორც ადამიანის ყველაზე მაღალი შექმნილი სტრუქტურული ნაგებობა. ცათამბრჯენის შენება დაიწყო 2004 წლის 21 სექტემბერს და დასრულდა 2010 წლის 4 იანვარს. შენობის მთავარი არქიტექტორი, სტრუქტურული და მექანიკური ინჟინერია ჩიკაგოს კომპანია SOM გეორგ ეფსტათიუ კომპანიიდან არის პროექტის მმართველი პარტნიორი, ხოლო ადრიან სმიტი დიზაინის პარტნიორი. დამოუკიდებელი შეფასება მოახდინა კომპანიამ CBM Engineers Inc. სიმაღლე 828 მ. ბოლო სართული 688 მ.

სოციალური პრობლემა

Capitan — Wed, 04 Apr 2012 15:29:54 GMT

შვეიცარელი ფაბიანი ინვალიდია. ის შეჩვეულია, რომ ავტობუსში მის გვერდით არავინ არ ჯდება, ამიტომაც გადაიცვა დათვის ნიღაბი და გავიდა ქუჩაში გამვლელებთან ჩასახუტებლად. ხალხმაც სიამოვნებით ჩიხუტა ის – აბა, როგორ ჩაუვლი გულგრილად ასეთ ფუმფულას? ”ჩვენ უნდა შევინიღბოთ, რათა დავახლოვდეთ”? – გვსაყვედურობს ბოლო კადრი. აქცია ”იყავი ახლოს” ინვალიდთა დაცვის ასოციაციამ Pro Infirms სააგენტო «Jung von Matt/Limmat» -თან ერთად ჩაატარა წლის დასაწყისში, მაგრამ რგოლი ეფექტური საუნდთრეკით ”დაკრძალვა Band Of Horses ”-ისგან აქამდე არ ტოვებს გულგრილს Slon-ის ექსპერტებს.
ეს ძალიან რთულია – გამოიწვიო გულახდილი, ემოციური გრძნობები სოციალური კამპანიით. თითქოს უკვე ყველაფერია ნათქვამი და გაკეთებული და არაერთხელ გვინახავს შემაძრწუნებელი კადრებიც. მაგრამ ამ რგოლის შემქმნელებმა შეძლეს მიეგნოთ ნამდვილი, სპონტანური და საინტერესო ხერხისთვის, რათა გამოეხატათ საკუთარი აზრი. და ისევ რეალიზმის ტრიუმფი: როცა იდეა კარგია, არ არის გადაპრანჭული რეჟისორებისა და ნოვატორული ტექნოლოგიების აუცილებლობა”,

იდუმალი გაუჩინარება

Capitan — Tue, 03 Apr 2012 16:04:41 GMT

1943 წელს ა.შ.შ-ს საზღვაო ძალებმა მოინდომეს, რომ შეექმნათ საზღვაო ხომალდი, რომელიც მოწინააღმდეგეების რადარებისთვის უჩინარი იქნებოდა. სწორედ ამ მიზნით შეიქმნა ხომალდი “ელდრიჯი”, რომელსაც საფუძვლად აინშტაინის გათვლები ედო, გამომცდელებმა ხომალდზე დააყენეს სპეციალური რადარები და გადაწყვიტეს, რომ გემი გაეტესტათ. გამოცდამ წარმატებით ჩაიარა…გემი გაქრა, ოღონდ არა მხოლოდ რადარებისთვის…. გემი საერთოდ გაქრა, უხილავი გახდა…. გარკვეული დროის შემდეგ, ელდრიჯი სხვა ადგილას იპოვეს, ნახევრად მკვდარი და ნახევრად შეშლილი ეკიპაჟით.

ეს ამბავი მაშინვე არ გახმაურდა…. და დღეს მე რომ ამ გემის შესახებ ვწერ ასტროფიზიკოსი მორის ჯესუპის დამსახურებაა. 1956 წელს მან გამოსცა ნაშრომი დროსა და სივრცეში მოგზაურობის შესახებ. სწორედ ამ ნაშრომს გამოეხმაურა კ. ალენდე, რომელიც მატკიცებდა, რომ ხომალდ “ენდრიუ ფიურესეტზე” მსახურობდა. “ენდრიუ ფიურესეტიც” ზემოთხსენებული ექსპერიმენტის მონაწილე იყო. მისი მტკიცებით, მან თავის თვალით ნახა, როგორ გაუჩინარდა “ელდრიჯი” ნისლში, მაგრამ ამის სედეგად არანაკლებ საინტერესო ამბები მოხდა. როგორც გითხარით ელდრიჯი ისევ გაჩნდა, ხოლო გადარჩენილ ეკიპაჟს უცნაური ანომალიები დაეწყოთ: ჯერ იყო და 2 მეზღვაური თავისით აალდა და 18 დღე იწვოდა, ისე რომ ვერავინ შეძლო ცეცხლის ჩაქრობა და შემდეგ ერთი მატროსი საკუთარი სახლის კედელში გაუჩინარდა, საკუთარი ოჯახის თვალწინ. ეს ყველაფერი ჯესუპიმ მოიძია და ბოლოს საკუთარი აზრი ჩამოაყალიბა ამის შესახებ: “ექსპერიმენტი ძალიან საინტერესო და იმავდროულად ძალიან საშიშია. დიდ ზეგავლენას ახდენს მონაწილე სუბიექტებზე. ექსპერიმენტში მონაწილეობდნენ მაგნიტური გენერატორები, რომლებიც მუშაობდნენ რეზონანსულ სიხშირეებზე და ქმნიდნენ საშინელ ველს ხომალდის გარშემო. სწორედ ამან განაპირობა ჩვენი განზომილებიდან დროებითი ამოვარდნა და შეიძლება შეფასდეს როგორც სივრცითი გარღვევა, თუ პროცესი კონტროლს დაექვემდებარება.” მაგრამ თუკი ამ ამბის გამოძიება საჭირო იყო, განა თავის დროზე არ გამოიძიებდნენ? ამას ვერ მიხვდა ჯესუპი, რომელმაც როგორც ჩანს საკმაოდ ბევრი რამ შეიტყო ამ ექსპერიმენტის შესახებ და დაისაჯა კიდეც… იგი მოკლული იპოვეს. სამხედრო საზღვაო ძალები კატეგორიულად უარყოფდა ამ ექსპერიმენტის ჩატარებას, მაგრამ დროთა განმავლობაში მოწმეები გამოჩნდნენ, რომლებსაც ნანახი ჰყავდათ ეს გემი, ასევე ცნობილი გახდა აინშტაინის მიერ შესრულებული გამოთვლების შავი ჩანაწერები, საგაზეთო სტატიები სადაც აღწერილი იყო, როგორ გადნა ეკიპაჟის ორი გადარჩენილი წევრი ყველას თვალწინ.

ეს ამბავი დღესაც არ არის ბოლომდე გახსნილი და დღესაც უდიდეს ინტერესს იწვევს. ამერიკელი ინჟინერ-ელექტრიკოსი ადამ სკილინგი ყვება: “1990 წელს ჩემმა ფლორიდელმა მეგობარმა მარგარეტ სენდისმა მე და ჩვენი საერთო მეგობრები დაგვპატიჟა ექიმ კარლ ლაისლერთან, რათა განგვეხილა ექსპერიმენტის ზოგიერთი დეტალი. ლაისლერი ფიზიკოსია, რომელიც მუშაობდა 1943 წელს აღნიშნულ პროექტზე. მისი თქმით, გემზე დაყენებული გენერატორები იმ რაოდენობის ენერგიით იკვებებოდა, რაც საშუალო ზომის ქალაქის განათებას სავსებით ეყოფოდა. ექსპერიმენტის იდეა იმაში მდგომარეობდა, რომ ძლიერ ელექტრომაგნიტურ ველს უნდა შეესრულებინა ეკრანის ფუნქცია რადარის ტალღებისთვის. ლაისლერი ნაპირზე იმყოფებოდა და აკონტროლებდა ექსპერიმენტის მსვლელობას. როცა მაგნერტონი ამუშავდა, ხომალდი გაქრა. გარკვეული დროის შემდეგ ისევ გაჩნდა, მაგრამ ეკიპაჟის დიდი ნაწილი გარდაცვლილი იყო. ზოგიერთი გვამი გარდაიქმნა იმ ტიპის მეტალად, რომლისგანაც ხომალდი იყო დამზადებული. ამბის მოყოლისას იგრძნობოდა, რომ დაინვალიდებული ლაისერი ამ დრომდე გრძნობდა სინდისის ქენჯნას გარდაცვლილ მეზღვაურთა გამო. ლაისერი და ექსპერიმენტის მონაწილე მისი კოლეგები ვარაუდობენ, რომ მათ გაგზავნეს ხომალდი სხვა დროში. ამ დროს ხომალდი დაიშალა მოლეკულებად და როცა დაიწყო უკუპროცესი, ადამიანის ორგანული მოლეკულების ნაწილი შეიცვალა მეტალის ატომებით.”

კარნავალი რიო–დე–ჟანეიროში

xuco — Tue, 03 Apr 2012 13:38:27 GMT

ცნობილი სამბას კარნავალი რიო–დე–ჟანეიროში ყოველწლიურად ტარდება. მასში სამბას სკოლები იღებენ მონაწილეობას. ითოეული სკოლა თეატრალიზებულ წარმოდგენას მართავს კონკრეტულ სიუჟეტზე, რომელიც რომელიმე თემას ეხმაურება: პოლიტიკას,ბუნებას,სპორტს, ხელოვნებას, მუსიკას....სკოლა წარმოადგენს თავის სიმღერას, კერავს კოსტუმებს, დგამს ცეკვებს... თითოეული სკოლა კარნავალისათვის მზადებისას საშუალოდ ერთ მილიონ დოლარს ხარჯავს.
კარნავალი იწყება თებერვლის თვეში და გრძელდება აღდგომამდე 40 დგის განმავლობაში, ამ დროს ბრაზილიას მილიონობით ტურისტი სტუმრობს. კარნავალი იმართევბა ბრაზილიის დიდ ქალაქებში,მათგან ყველაზე ცნობილია რიოს კარნავალი...იქ ჩასული ტურისტები დიდ სიამოვნებას ღებულობენ, როდესაც კარნავალს ესწრებიან

ლუდთან დაკავშირებული საინტერესო ფაქტები:

xuco — Tue, 03 Apr 2012 13:35:26 GMT

♥ქალაქ ეიმსის კანონი მამაკაცებს უკრძალავს ცოლთან ერთად დაწოლას,თუ მან სამ ყლუპზე მეტი ლუდი დალია.

♥ამერიკის შეერთებული შტატების პრეზიდენტს,ჯორჯ ვაშინგტონს საკუთარი ლუდის სახარში ქარხანა ჰქონდა.

♥ბაბილონში არსებობდა ტრადიცია, რომლის მიხედვით ქორწინებიდან ერთი თვის განმავლობაში გათხოვილი ქალის მამ სიძეს ''ლუდის თვეს'' უწყობდა.ეს იმას ნიშნავდა,რომ სიძე სიმამრის ხარჯზე1 თვის განმავლობაში იმდენ ლუდს სვამდა,რამდენიც უნდოდა.

♥ლუდის 11 000 ქილისგან ამერიკაში თვითმფრინავი ააგეს.იგი 210 კილოგრამს იწონის.

♥ქილაში ჩასხმული პირველი ლუდი 1935 წელს ნიუ-იორკსა და ვირჯინიაში გამოჩნდა.

♥ძველ ბაბილონში დამზადებული ეს სასმელი, იმდენად კარგი ხარისხის იყო,რომ ხამურაბის კანონის თანახმად,სიკვდილით ისჯებოდა ყველა,ვინც ლუდს წყლით გააზავებდა.გამყალბებელს სიკვდილის არჩევის საშუალებაც კი ჰქონდა:მას ან მის მიერვე გაფუჭებულ კასრში ჩაახრჩობდნენ,ან იმდენს დაალევინებდნენ,სანამ სული არ ამოსძვრებოდა.

♥ერთი ტოლჩა ძლიერი ლუდის შემდეგ 45 წუთის განმავლობაში საჭესთან დაჯდომა რეკომენდირებული არ არის.

♥ფილადელფიაში მდებარე ერთ-ერთი მუსიკალური სკოლის მასწავლებელმა ''ლუდის სიმფონია'' შექმნა. ეს სიმფონია წარმოადგენს ხმათა კომპოზიციას,რომელიც ლუდის სხვადასხვა ჭურჭელში ჩასხმის დროს წარმოიქმნება. ავტორის აზრით,ხმების ასეთი შეწყობა ლუდის მოყვარულებს სასიამოვნო განწყობას უქმნის,თუმცა მუსიკის კრიტიკოსები აბსოლუტურად სხვა საკითხში შეთანხმდნენ:მასწავლებელი ლუდში ბევრად უკეთ ერკვეოდა ვიდრე მუსიკაში.

აღდგომის მარხვა

xuco — Tue, 03 Apr 2012 13:33:49 GMT

აღდგომა, მართლმადიდებლური კალენდრის მიხედვით, 15 აპრილს აღინიშნება. ქრისტეს აღდგომის ბრწყინვალე დღესასწაული ყოველ წელს სხვადასხვა რიცხვში აღინიშნება, რადგან მთვარის კალენდარზეა დამოკიდებული.

აღდგომის მარხვის წინა კვირებია: მეზვერისა და ფარისევლის კვირა, უძღები შვილის კვირა, ხორციელის შაბათი და ყველიერის კვირა. ამ დღეებში მორწმუნე ადამიანი დიდი მარხვისათვის უნდა მოემზადოს. მარხვის დაწყების წინა დღეს, კვირას შენდობის დღეა, როდესაც თითოეულმა მორწმუნემ პატიება და შენდობა უნდა ითხოვოს.

წელს დიდმარხვა 27 თებერვალს იწყება და 15 აპრილს კი ქრისტეს ბრწყინვალე აღდგომას ვზეიმობთ.

თუ რა არის მარხვა და როგორ უნდა მოვემზადოთ აღდგომის მარხვისათვის, ამ თემასთან დაკავშირებით “ამბიონს” წმ. მიქაელ ტვერელის სახელობის ეკლესიის წინამძღვარი, დეკანოზი, მამა ალექსანდრე ჩახვაშვილი ესაუბრა:

“მარხვა ადამიანის სულისა და ხორცის განსაწმედელი და უფალთან დამაახლოებელია. ეს ის მცირე შესაწირია ღვთისათვის, რისი გაკეთებაც ადამიანს შეუძლია. თვით უფალმა იესო ქრისტემაც 40 დღე უდაბნოში იმარხულა. მარხვა ქრისტიანის ერთ-ერთი მოქმედებათაგანია, როდესაც მისი სული და ხორცი იწმინდება. დიდმარხვა განსაკუთრებულია. მათ შორის არის უფლის მიერ დაწესებული სხვა მარხვებიც. მარხვა მხოლოდ საკვების შეზღუდვა არ არის. ადამიანმა დაცემული და ცუდი ზრახვები უნდა შეზღუდოს, იქნება ეს ვინმეს განკითხვა, თუ უდიერი საუბარი.

ადამიანი მარხვას თავისი ნებით უნდა შეხვდეს. მარხვას წინ უსწრებს მეზვერისა და ფარისევლის კვირა, რომელიც გამოხატავს მეზვერის მდგომარეობას და უფალი იგავით ურჩევს ადამიანს, მეზვერის მსგავსად იყოს თავისი ცოდვების დამნახველი, მით უმეტეს მარხვის წინ და არ ემსგავსოს იმ ფარისეველს, რომელიც არხეინად არის და ჰგონია, რომ ყველაფერი კარგადაა.

შემდგომია უძღები შვილის კვირა. სახარებისეული იგავი გვასწავლის, თუ როგორი უნდა იყოს თითოეული ჩვენგანი. შეიძლება ჩვენ იმაზე უარესები ვართ, ვიდრე ის უძღები შვილი იყო. ამიტომ გვჭირდება ეს მარხვა, რომ უფალს მივეახლოთ.

დიდმარხვის პერიოდში ანდრია კლიტელის კანონი იკითხება. წირვა-ლოცვის მსახურებაც გაცილებით ხანგრძლივია. ყოველ კვირას არის ბასილი დიდის წირვა, ასევე არის პირველშეწირულის წირვები, საეკლესიო მოქმედებისას მთელი საიდუმლოებებია.

დიდმარხვაში აღვნიშნავთ ბზობის დღესასწაულს, შემდგომ კი ვნების შვიდეული მოდის: დიდი ოთხშაბათი (იუდას გაცემის ოთხშაბათი), დიდი ხუთშაბათი, როდესაც 12 სახარება იკითხება, ჯვარცმის დიდი პარასკევი, დიდი შაბათი, ქრისტეს აღდგომის სიხარული და შემდეგ ბრწყინვალე შვიდეული. ამ მარხვაში შესაძლებელია ზეთის კურთხევის საიდუმლოს ჩატარება, რომელიც შვიდი საიდუმლოდან ერთ-ერთია. შვიდგზის ზეთისცხება, ტიპიკონის მიხედვით ყველა ტაძარში სხვადასხვა დროს ტარდება.

დიდ მარხვაში, ვნების შვიდეულთან ახლოს, ერთი დღეა დათქმული, როდესაც ზეთის კურთხევის საიდუმლო სრულდება. სხეულის შვიდ ადგილას ზეთის ცხებისას (შუბლზე, ყურებზე, ხელებზე, ყელზე, თვალებზე, ნიკაპზე) მორწმუნე ადამიანებზე გადმოდის მადლი. ამ დროს მორწმუნეებს მიეტევებათ დავიწყებული და ასევე უნებლიეთ ჩადენილი ცოდვები. ეს მათ სიმშვიდესა და ჯანს აძლევს.

აუცილებელია, რომ მორწმუნე ადამიანმა ოთხშაბათისა და პარასკევის მარხვაც შეინახოს. რამეთუ ვინც არღვევს ოთხშაბათის მარხვას, ის იუდას უახლოვდება. პარასკევის მარხვის დამრღვევი კი ჯვარმცმელებს უახლოვდება. თუ მორწმუნემ ეს მარხვა შემთხვევით დაარღვია, აღსარებაში შეუძლია მოინანიოს და შენდობა მიიღოს.

დიდმარხვის განმავლობაში “დილისა” და “ძილის წინ” ლოცვების შემდეგ იკითხება ეფრემ ასურის ლოცვა. ამ ლოცვას ყველიერის კვირის სამშაბათ საღამოს, ოთხშაბათ დილას, ხუთშაბათ საღამოს და პარასკევ დილას ვამბობთ, შემდეგ კი – შენდობის კვირის საღამოდან მთელი დიდმარხვის განმავლობაში ვნების კვირის ოთხშაბათ დილის ჩათვლით. ეფრემ ასურის ლოცვას არ ვასრულებთ პარასკევ საღამოდან კვირა დილის ჩათვლით.

აღდგომის მარხვა თევზით ხსნილი არ არის, თუმცა სადღესასწაულო დღეებში, შესაძლებელია, პატრიარქის ლოცვა-კურთხევით გახსნილდეს, ცხადია, თუ ეს ოთხშაბათი ან პარასკევი არ იქნება.

რაც შეეხება ქრისტეს ჯვარცმას, ეს არის ჩვენი ცოდვების ჯვარზე გაკვრა და ჩვენი სიკვდილის მომასწავებელი. სიკვდილი უნდა გაიაროს ყველამ, რომ მიეცეს ის დიდი სიხარული, რაც ჩვენ ქრისტეს აღდგომით გვაქვს. თუ ღირსნი ვიქნებით ჩვენც აღვსდგებით ღვთის წყალობით. ჩვენ ამას გულითა და სულით ვითხოვთ. შემდგომ აღდგომის ისეთი სიხარული მოგვეცემა, როგორიც ქრისტეს აღდგომა იყო”

ინტერნეტის შექმნის ისტორია

Capitan — Tue, 03 Apr 2012 13:20:55 GMT

კითხვაზე: “რომელ თქვენგანს აქვს სახლში ინტერნეტი?” – ალბათ უმრავლესობას გაგეცინებათ და ხუმრობად მიიღებთ.

შენც კი, რომელიც ამ ბლოგს კითხულობ, ალბათ სახლში ხარ, კომპიუტერთან კომფორტულად მოკალათებული, ცხელ ჩაის , ყავას ან შოკოლადს სვამ და ინტერნეტში დაძვრები. მაგრამ, იცი კი თავად ინტერნეტის შექმნის თავდაპირველი მიზანი და ისტორია ? იცი როდის და რა მიზნით შეიქმნა IP მისამარტების სისტემა ან რა ერქვა ინტერნეტს მანამდე? როგორ იშიფრება WWW და რა იყო მისი შექმნის მთავარი მუღამი? თუ, არა მაშინ ეს ბლოგი ზედგამოჭრილი იქნება შენთვის ….

მცირე სტატისტიკა:

2011 წლის 31 მარტის მონაცემებით მსოფლიოს მაშტაბით 2 მილიარდ 95 მილიონი ადამიანი მოიხმარს ინტერნეტს. თუ აღნიშნულ მაჩვენებელს 2010 წლის მდგომარეობას შევადარებთ (360 985 492) , დავინახავთ რომ ერთ წელიწადში ინტერნეტის მომხმარებელთა რიცხვი 480%(ოთხას ოთხმოცი პროცენტი)–ით არის გაზრდილი.
დღეისათვის, ადამიანების ცხოვრება ფაქტობრივად წარმოუდგენელი გახდა უინტერნეტოდ. ინტერნეტი გვხვდება ყველგან: ჩვენს სახლებში, სამსახურში, კაფეებში და სკვერებშიც კი. თუმცა, მიუხედავად ამისა, ცოტა ადამიანი თუ მოიძებნება ისეთი, ვინც იცის რეალურად საიდან წარმოიშვა ინტერნეტი და რა ევოლუციის ეტაპები განვლო მან დღემდე. სწორედ აღნიშნული ინფორმაციის მცირე ნაწილს წარმოგიდგენთ ამ ბლოგში.

ინტერნეტის შექმნის მიზეზები

მას შემდეგ რაც 1957 წელს რუსეთმა კოსმოსში პირველი ხელოვნური თანამზავრი გაუშვა , ამერიკის მთავრობა სერიოზულად დაფიქრდა საკუთარ უსაფრთხოებაზე. ქვეყნის თავდაცვის უწყება მივიდა იმ დასკვნამდე , რომ საჭირო იყო შეექმნათ ახალი დეცენტრალიზირებული საკომუნიკაციო სისტემა. ისინი თვლიდნენ, რომ საჭირო იყო ინფორმაციის გადაცემის საიმედო სისტემა, რომლის გათიშვაც შეუძლებელი იქნებოდა მისი ერთერთი სეგმენტის მწყობრიდან გამოყვანის შემთხვევაშიც კი.
სწორედ ამისათვის შეიქმნა სპეციაულური მოწინავე პროექტების კვლევების სააგენტო, ცნობილი, როგორც ARPA (Advanced Research Projects Agency). აღნიშნული პროექტის ფარგლებში კი, 1969 წელს მიიღეს საბოლოო გადაწყვეტილება, რომ შეექმნათ კომპიუტერული ქსელი ARPANET. ეს პროექტი ამერიკელი სამხედროების მიერ იყო დაფინანსებული და აერთიანებდა 4 ამერიკულ სამეცნიერო ინსტიტუტს. აღსანიშნია , რომ იმ დროისათვის კომპიუტერს მონიტორიც კი არ ქონდა და ინფორმაციის მოწოდება პრინტის სახით ხდებოდა.

ინტერნეტის შექმნისა და განვითარების ეტაპები

1969 წლის 29 ოქტომბერს , აპრანეტში ჩართულ ორ კომპიუტერს შორის პირველი კავშირი შედგა. ამ ორი კომპიუტერიდან ერთი ლოს–ანჯელესში , კალიფორნიის უნივერსიტეტში, ხოლო მეორე კი სტენფორდში, სტენფორდის კვლევით უნივერსიტეტში მდებარეობდა. მათ შორის მანძილი 649 კილომეტრი იყო. პირველი საკომუნიკაციო სიტყვა კი „LOG ON “ უნდა ყოფილიყო თუმცა პირველ ჯერზე მხოლოდ „LOG“–ის გაგზვნა მოხერხდა, და შემდეგ სისტემა გაითიშა. თუმცა საათნახევრიანი მუშაობის შედეგად ცდა თავიდან ჩატარდა და კომუნიკაცია წარმატებით დასრულდა.

1973 წელს ტრანსატლანტიკური კაბელით ქსელს შეუერთდენ არაამერიკული ორგანიზაციები ნორვეგიიდან და დიდი ბტიტანეთიდან. თუმცა 1982 წლამდე ქსელებს შორის კომუნიკაცია მაინც გართულებული იყო, რაგანაც ზოგიერთი მათგანი განსხვავებული პრინციპებით იყო აგებული. ამიტომაც, 1982–83 წლებში შეიქმნა ერთიანი სტანრადტი ყველა ქსელებისათის – TCP/IP რომელიც დღესაც გამოიყენება . ეს გულისხმობს რომ ქსელში ჩართულ ყველა კომპიუტერს საკუთარი უნიკალური ნომერი აქვს, და შესაბამისად მათ შორის კომუნიკაციაც მოწესრიგებულია. აღსანიშნია, რომ ამ პერიოდისათვის ინტერნეტით მხოლოდ მონაცემების მიცვლა/მოცვლა იყო შესაძლებელი . არ არსებობდა არც ვებ გვერდების და არც ფაილების ჰოსტინგის სიტემა.

1983 წელს ARPANET ი უკვე საერთაშორისო ქსელი გახდა და შესაბამიდად წარმოიშვა ახალი ტერმინიც: INTERNET (International Net)

1989 წელს , კიდევ ერთი მნიშვნელვანი ფაქტი მოხდა: ევროპაში, ცერნის ლაბორატორიაში შემუშავდა WWW (World Wide Web) ის კონცეფცია, რომელიც ტიმ ბერნერს ლიმ წარმოადგინა. ტიმის მიზანი იყო ინტერნეტში შეექმნა ისეთი ვირტუალური სივრცე, სადაც შესაძლებელი გახდებოდა მონაცემებისა და ინფორმაციის ატვირთვა. ზუსტად ამ პერიოდით შეგვიძლია დავათარიღოთ ჩვენთვის აწ უკვე კარგად ნაცნობი ვებ გვერდების კონცეფციის დაბადება.

მე აბიტურიენტი ვარ

Capitan — Tue, 03 Apr 2012 13:18:00 GMT

ახლა კი გაგიმხელთ, მე რომელი პროფესიის არჩევა მინდა...
ვისურვებდი წლების მერე მემუშავა ერთ-ერთ პრესტიჟულ მეტეოროლოგიურ ცენტრში, რომელიც კლიმატურ ცვლილებებს და ბუნებრივ კატაკლიზმებს შეისწავლის. ეს სურვილი, გარდა ჰოლივუდური ფილმებისა, წლევანდელმა ზამთარმაც განმიმტკიცა.შესაბამისად, პირველ არჩევნად საბუნებისმეტყველო პროგრამებს მივუთითებ, რომ მერე ჩემთვის სასურველი განხრა ავირჩიო. ვინ იცის, იქნებ სამყაროს გადარჩენის შანსიც მომეცეს...

სასწავლებლებს რა პრინციპით დავალაგებ, ცოტა მოგვიანებით გიამბობთ, მანამდე კი მეორე სასურველ მიმართულებაზე მოგიყვებით - ცოტა ხნის წინ წავიკითხე, რომ მეცნიერებმა სიცოცხლის გახანგრძლივების გენს მიაგნეს. შეიძლება სწორად ვერ დავიმახსოვრე, მაგრამ გენეტიკოსების უნიკალურ კვლევებზე იყო საუბარი. ძალიან მიმზიდველად მეჩვენა, მიუხედავად იმისა, რომ ორი წლის წინ, როცა დნმ-ის აგებულებას ვსწავლობდით, ისე ავურიე ტერმინები, რომ ჩემი ბიოლოგიის მასწავლებლის გამომეტყველება დღესაც მახსოვს. სამაგიეროდ, ახლა გავახარებ და ვეტყვი, რომ შეიძლება ბიოლოგი გამოვიდე... კიდევ ერთი საქმიანობა მეჩვენება საინტერესოდ - ჯემებისა და მურაბების ბიზნესი, წვენებისაც... მით უმეტეს, რომ ციტრუსი თუ სხვა ხილი საქართველოში ბევრია. თანაც, ასე ხომ ბებიაჩემის ოცნებაც შეიძლება ახდეს და წარმატებული ბიზნესმენი გავხდე, რომელსაც საკუთარი წარმოების პროდუქცია და მაღაზიათა ქსელი ექნება მთელ ქვეყანაში და ქვეყნის გარეთაც! ეს ალბათ ნამეტანი მომივიდა...თუმცა, რა იცი რა ხდება.

სოციალური მეცნიერებებიც მიტაცებს. განსაკუთრებით ფსიქოლოგია, ჯემების ბიზნესზე მეტადაც. ალბათ უკვე გაგიჩნდათ კითხვა, გაეროსა და ევროკავშირის მონაწილეობის გარეშე, როგორ მოხერხდება ჩემი და ჩემი მშობლების არჩევნის შეჯერება. საკმაოდ მარტივად, ყოველ შემთხვევაში, რეგისტრაციის დასრულებამდე მაინც. ორი წლის წინ ცოტა უფრო რთულად იქნებოდა საქმე, მაგრამ ინტერნეტით რეგისტრაციამ ჩემს წისქვილზე დაასხა პირდაპირ წყალი და მას მერე, რაც გამოცდების ეროვნული ცენტრი ელექტრონულ ფოსტაზე პაროლს გამომიგზავნის, მე ვიქნები ერთადერთი, ვისაც ,,საიდუმლო კარის გასაღები“ ექნება... ამიტომ მოუწევთ, ჩემს არჩევანს გაუწიონ ანგარიში. ეს ნახევრად ხუმრობით, ისე კი იმედი მაქვს, რომ ჩემი მომავალი პროფესიის არჩევისას ბოლოს მაინც გაითვალისწინებენ ჩემს აზრს. ცხადია, განვიცდი, ჩემებს გული რომ უნდა დავწყვიტო და მათ მიერ შერჩეულ პროფესიებზე უარი რომ უნდა ვთქვა, ...

მაგრამ იურისტობა არ მინდა და არც არასოდეს მინდოდა - ერთხელ ვნახე რაღაც დებულება და ორი აბზაცი რომ წავიკითხე, მივხვდი, ამ ,,უცხო ენის“ სწავლას ვერასოდეს შევძლებდი. არც კანონებისა და მუხლების გამრავლების ტაბულასავით დაზეპირება შემიძლია... საერთაშორისო ურთიერთობები კი ჩემებურად მაქვს წარმოდგენილი - სამეცნირო კველევებისას თუ მომიწევს უცხოელ კოლეგებთან თანამშრომლობა ჩავთვლი, რომ გამიმართლა, მაგრამ დიპლომატად, მგონი, არ გამოვდგები. შარშან ჩემი მეზობელი აბარებდა...
მას მერე, რაც ფაკულტეტებზე შეთანხმდნენ, განაცხადი მის ნაცვლად დედამ შეავსო. ბარათი რომ მიიღო, მერე ნახა, რომ პირველი ფაკულტეტი ის არ ეწერა, რაც მას სურდა. პირდაპირ გამოუცხადა მშობლებს, აქ თუ ჩავირიცხე, არ ვისწავლიო. მერე დიდხანს ცდილობდა დედამისი განაცხადის შეცვლას... რეგისტრაცია დასრულებული იყო და ვერაფერი მოხერხდა. ჩემი მეზობელი პირველ არჩევანზე ჩაირიცხა. ხელშეკრულება არ გააფორმა. დედას დიდხანს არ სცემდა ხმას. არადა, დედამისმაც ძალიან ინერვიულა. წელს ისევ აბიტურიენტია...

ჩემს განაცხადს დავუბრუნდები - სანამ რიგითობას საბოლოოდ განვსაზღვრავ, შევსების პრინციპზე კარგად უნდა დავფიქრდე. ერთი ზუსტად ვიცი - პირველს აუცილებლად ყველაზე სასურველ მიმართულებას ჩავწერ, მაგრამ ერთსა და იმავე პროგრამების მქონე უმაღლესებიდან ჩემთვის მისაღები უნდა შევარჩიო და მერე მათი თანმიმდევრობა ზუსტად განვსაზღვრო. პირველ რიგში ამ პროგრამებზე ის გამოცდები უნდა ბარდებოდეს, რომლის ჩაბარებასაც ვაპირებ. ძალიან მინდა პირველივე არჩევანზე ჩავირიცხო, ალბათ ისევე, როგორც ყველა აბიტურიენტს. ცხადია, ისიც ძალიან მინდა, სახელმწიფო გრანტი ავიღო, მერე ვეცდები სტიპენდიაც მქონდეს.. ამისათვის ალბათ სემესტრული გამოცდები წარმატებით უნდა ჩავაბარო ხოლმე.
აი, ისევ შორეულ გეგმებს ვაწყობ... აჯობებს მთავარსა და უახლოესზე ვიფიქრო - ერთიან ეროვნულ გამოცდებზე. მანამდე სკოლის გამოსაშვები გამოცდები მელის წინ. რატომღაც ნაკლებად ვღელავ. მართალია, მასალის გამეორება მიწევს ინტერნსიურად, მაგრამ რამდენიმე თვე კიდევ გავუძლებ ამ რეჟიმს და მერე, დარწმუნებული ვარ, ცხელი საგამოცდო დღეებიც მშვიდობით ჩაივლის...
ყველა აბიტურიენტს წარმატებას გისურვებთ ... ნეტა მალე დამთავრებულიყოს ეს წელიცც , და მერე რა იცი რა ხდება )))

3D განზომილება

xuco — Tue, 03 Apr 2012 13:14:07 GMT

ჰოლივუდმა 3-დ ფორმატის პოპულარიზაციას რომ მიჰყო ხელი,მტკიცდება ტიმ ბარტონისა და ჯეიმს კამერონის ფილმებით.აღნიშნულ ფორმატში გადაღებული “ალისა საოცრებათა ქვეყანაში’ და “ავატარი” 2009-2010 წლების ყველაზე გახმაურებული ჰოლივუდური ნაწარმია.”ავატარმა” შეძლო ყველა დროის რეკორდი მოეხსნა და ავტორებისთვის 2 712 115 019 დოლარი მოეტანა.

მომგებიანმა ბიზნესმა ჰოლივუდელ რეჟისორებს სამგანზომილებიანი ფილმებისადმი ინტერესი გაუღვივა,ხოლო ყველაზე გახმაურებულმა პროდუქტმა აღნიშნული ფორმატის ნაწარმას მაყურებელი შესძინა.ეს თავისთავად გულისხმობს,რომ კინოგაქირავებაში ფილმები საკმაოდ წარმატებულია და გადამღები ჯგუფისთვის მას ბევრი ფული მოაქვს.შესაბამისად,ჩნდება საფრთხე-არ მოხდეს მხატვრული ღირებულებების მატერიალურით გადაფარვა და ბიზნესმა არ შეიწიროს კინემატოგრაფი,როგორც ხელოვნების ნაწილი.

აღნიშნული სამგანზომილებიანი ფილმების არსებობა სამგანზომილებიანი ტელევიზორებისა და ტელემაუწყებლობის შექმნამ განაპირობა.2010წლის დასაწყისში ამერიკაში გავრცელდა სენსაციური სიახლე-გაჩნდა მსოფლიოში პირველი სამგანზომილებიანი ტელემაუწყებლობა.პარალელურად,კომპანიებმა-Sony,Panasonic,Samsung- შექმნეს სამგანზომილებიანი ტელევიზორები,რომლებიც სარეალიზაციო ქსელებში წლის შუა პერიოდში გამოჩნდა.ყოველივეს ფონზე,ექსპერტების ნაწილი მიიჩნევს,რომ ჩვეულებრივი კინოს ეპოქა დასრულდა და 3-დ ფორმატის ფილმების დრო დადგა.

სამგანზომილებიან ეკრანსა და გამოსახულებას თავისი მინუსებიც აქვს.ოფთალმოლოგიური თვალსაზრისით,სტერეოსკოპული ეკრანის ხედვა მხედველობისთვის არცთუ უსაფრთხოა,რადგან იწვევს თვალის კუნთის დაღლასა და მოდუნებას,ასევე საგრძნობლად აქვეითებს მხედველობას.ოპტიკური ხელსაწყო-სტერეოსკოპი,რომლის საშუალებითაც ორ სურათძე გამოსახული ერთი და იგივე საგანი თვალს ერთი მოცულობით გამოსახულებად ეჩვენება,ილუზიის შექმნას უწყობს ხელს,ხოლო სტერეოსკოპული სიტყვა-სიტყვით რელიეფურსა და მოცულობითს ნიშნავს.სამგანზომილებიანი სისტემა გახლავთ მოძრავი კადრი,ნახატი,რომელიც სიღრმის აღქმის ილუზიას აძლიერებს.მის წარმოქმნას სტერეოსკოპული ფოტოგრაფიის განვითარებას მიაწერენ.

სპეციალური კამერა იღებს ფოტოებს,რომლებიც სიტუაციას ორი ხედით ასახავს,ხოლო სპეციალური სათვალის მეშვეობით სიღრმის ილუზიის წარმოქმნა ხდება. სტერეოსკოპული ერა კინოს ისტორიაში დაიწყო 1890წელს,როცა ბრიტანული კინოს პიონერმა,უილიამ ფრის გრინმა გადაწყვიტა კინოთეატრში ეჩვენებინა პირველი სამგანზომილებიანი ფილმი,რომელიც მან დააპატენტა კიდეც,როგორც საკუთარი გამოგონება.საჩვენებელი ვერსია შედგენოდა ორი ფილმისგან,რომლებიც ერთდროულად,ერთმანეთის გვერდიგვერდ მდებარე ეკრანებზე უჩვენეს.,კინოჩვენებისას მაყურებელს მოუხდა სტერეოსკოპის გამოყენება,რათა აღქევა ორი გამოსახულება.გასაკვირი არაა,რომ ფილმის ყურების ასეთი მეთოდი არ აღმოჩნდა პრაქტიკული.50იან წლებში ტექნოლოგიის დახვეწამ სამგანზომილებიანი კინოს ისტორიაში ოქროს ხანა დაამკვიდრა.თუმცა პოპულარიზაციას ხელს უშლიდა სტანდარტიზებული ფორმატი,რომელიც იმ პერიოდისთვის ამ ბიზნესში არსებობდა და გარდა ამისა,მისი წარმოება და ჩვენება ძვირი სიამოვნება გახლდათ.მიუხედავად ყველა სირთულისა,1952 წელს კინოთეატრებში გამოჩნდა პირველი ფერადი სტერეოსკოპული ფილმი “Bwana Devil”,არჩ ობოლერის რეჟისორობით.

ამას მოჰყვა მრავალი წარმატებული თუ წარუმატებელი ფილმი.80იან წლებში “დისნეიმ” და “უნივერსალ სტუდიომ” მაყურებლის მოსაზიდად სამგანზომილებიანი კინოს გამოყენება დაიწყეს,რაც საბოლოოდ წარმატებულ ბიზნესად ჩამოყალიბდა.IMAX-ი პირველი იყო,ვინც 1986 წელს საკუთარი კომპანიის პრეზენტაცია პოლარიზებული სათვალის გამოყენებით ჩაატარა.1990წელს ამავე კომპანიამ პირველმა გადაიღო ფანტასტიკური ჟანრის სამგანზომილებიანი ფილმი”Wings of Courage”.

როგორც აღვნიშნეთ,3-დ ფრომატის ფილმს მსოფლიო აღიარება ხვდა ჯერ კიდევ 80-იან და 90-იან წლებში,წარმატებამ კი იმატა 2000-იან წლებში,ხოლო კულმინაციას 2010წელს “ავატარის” გამოსვლის შემდეგ მიაღწია.

სამგანზომილებიანი ფილმის წარმოებისთვის რამდენიმე ტექნოლოგიური მეთოდი არსებობს.ერთ-ერთი სისტემა პოლარიზაცია გახლავთ.პოლარიზაცია იგივე პოლარიზება გახლავთ ელექტრომაგნიტურ და სინათლის სხივების რხევათა თვისება-განლაგდეს ერთ გარკვეულ სიბრტყეში.ასევე არსებობს სტერეოსკოპული სამგანზომილებიანი ეფექტი,რომელიც მხოლოდ სპეციალური სათვალით აღიქმება.სათვალეში ცასმულია წითელი და ციანიდის(მომწვანო ცისფერი) ფერის ოპტიკური მინა ან ე.წ. პოლარიზებული ფილტრი,რომელშიც ერთი ლინზა პოლარიზებული ვერტიკალურად,ხოლო მეორე ჰორიზონტალურად,რაც სტერეოხედვის საშუალებას იძლევა და შესაძლებელს ხდის ვირტუალური რეალობის აღქმას.ეკრანი იყოფა ორად,თითოეული თვალი ცალ-ცალკე აღიქვამს მოქმედებას.

სტერეოსკოპული სამგანზომილებიანი ეფექტის მისაღწევად გამოიყენება ანაგლაფური გამოსახულება.ამგვარ გამოსახულებას ორი სახვადასხვა ფერის ფენა აქვს გადაკრული,რაც სიღრმის ეფექტს ქმნიას.როგორც წელი,ძირითადი საგანი ან სუბიექტი,რომელზეც აქცენტი კეთდება,ცენტრში თავსდება,ხოლო წინა ხედი და ფონი ჰორიზონტალურადაა გადაწეული საპირისპირო მიმართულებით.გამოსახულება შიეცავს ორი განსხვავებული ფერის ფილტრირებულ სურათს,შედეგად ვიღებთ ინტეგრირებულ სტერეოსკოპულ გამოსახულებას.საბოლოო პროდუქტს თავის ტვინის ქერქში მოთავსებული მხედველობითი ზონები აღიქვამენ,როგორც სამგანზომილებიან კომპოზიციას.სწორედ ამგვარად მივიღეთ შთამბეჭდავი ეფექტები,რაც “ავატარს” სხვა ფილმებისგან გამოარჩევს.