"რაღაცნაირი" ბრუნდება, წრწოდეთ მემკვიდრის მტრებო!

გერმანიის სოციალურ-დემოკრატიული პარტია (გერმნ. Die Sozialdemokratische Partei Deutschlands - SPD) — გერმანიის ყველაზე ძველი პოლიტიკური პარტია, რომელიც მემარცხენე ცენტრისტული მიმართულებისაა. დაარსდა 1863 წლის 23 მაისს, როგორც საერთოგერმანული მუშათა ასოციაცია. კონსერვატიულ ქრისტიან–დემოკრატიულ კავშირთან ერთად არის ერთ–ერთი გერმანიის ორ ძირითად პარტიას შორის.

პარტიას 495 000 წევრი ჰყავს, რომელთა 31% ქალი გახლავთ. სოციალ–დემოკრატებს 146 წარმომადგენელი ჰყავს გერმანიის ბუნდესტაგში, ასევე მნიშვნელოვან როლს თამაშობენ პარლამენტის მეორე პალატაშიც ბუნდესრატშიც. პარტიას თავმჯდომარეობს ყოფილი გარემოს, ბუნებისდაცვისა და ატომური უსაფრთხოების მინისტრი ზიგმარ გაბრიელი. სოციალ–დემოკრატები გერმანიის 16 ფედერალური მხარიდან 7–ში მთავრობის მეთაურები არიან (მათ შორის ბერლინში, რაინლანდ-პფალცში, ბრანდერბურგში), დამატებით 3 მხარეში კი კოალიციის "უმცროსი მონაწილენი" არიან. პარტიასთან დაახლოვებული საერთაშორისო ფონდია – ფრიდრიხ ებერტის ფონდი.