პარასკევი, 2024-12-27, 11:26 AM
მოგესალმები სტუმარი | RSS "რაღაცნაირი" ბრუნდება, წრწოდეთ მემკვიდრის მტრებო!
მთავარი » 2011 » ნოემბერი » 14 » დელფინის ამბავი
|
ოქტომბრის პირველი შაბათ-კვირის მონაცემებით ამერიკის ბაზარზე შემოსავლების მხრივ ახალი ლიდერი გვყავს. ესაა Warner Bros. Pictures-ის მიერ შექმნილი ოჯახური დრამა დელფინის ამბავი (Dolphin Tale). ფილმში აღწერილია ნამდვილი ამბავი მამაცი დელფინისა და კეთილი ადამიანების შესახებ, რომლებიც ერთად იბრძვიან ცხოველის სიცოცხლის გადასარჩენად. ამ უკანასკნელმა კუდი კიბორჩხალების საჭერი გემის ბადეში გაბმისას დაკარგა, ხოლო კუდის გარეშე საბრალო ცხოველს გარდაუვალი დარუპვა ელოდა. საბედნიეროდ დელფინი მოხვდება საავადმყოფოში სადაც ადამიანების მთელი ჯგუფი ყველაფერს აკეთებს მის გადასარჩენად. ამბავი აქაც ბედნიერად მთავრდება, დელფინი სახელად ზამთარი (winter) ახალი ხელოვნური კუდით ახალ ცხოვრებას იწყებს.
ფილმის შემქმნელებმა კონცენტრირება მოახდინეს ბაზრის იმ სეგმენტზე, რომელიც შედგება ახალგაზრდა ბავშვიანი ოჯახებისგან. ასეთი სტრატეგია საკმაოდ ტიპიური და ბევრ შემთხვევაში წარმატების მომტანია. ოჯახური დრამა, საბრალო ცხოველი, პროფესიონალი მსახიობები და ბედნიერი დასასრული არის იდეალური ნაზავი იმისათვის, რომ მიიზიდოს მრავალი მილიონი მაყურებელი, რომელთაც შვილებთან ერთად უყვართ ფილმების ყურება.
რაც შეეხება მსახიობებს; მორგან ფრიმანი (Morgan Freeman), ეშლი ჯადი (Ashley Judd) და ჰარი კონიქ უმცროსი (Harry Connick Jr), ასეთი ვარსკვლავური ნაკრები ფილმის წარმატებაზე და შემოსავლებზე ალბათ გადამწყვეტ გავლენას მოახდენს. შემოსავლები კი ისეთი ჟანრის ფილმისათვის, რომელიც არ გამოირჩევა სპეცეფექტებითა და მასიური სცენებით მართლაც ძალიან კარგია. გამოსვლის დღიდან (23 სექტემბერი) დელფინის კუდმა უკვე $39,2 მილიონი მოაგროვა ამერიკის მასშტაბით. აქედან ოქტომბრის პირველ შაბათ-კვირაზე მოდის $13,9 მილიონი, რითაც უკან ჩამოიტოვა ბრედ პიტის Moneyball ($12 მილიონი) და მეფე ლომი ($10,6 მილიონი). თუმცა ყველაფერი ჯერ კიდევ წინაა, დელფინის ამბავს პრემიერები მსოფლიოს მასშტაბით ჯერ კიდევ წინაა აქვს, ის ჯერ მხოლოდ ამერიკის 3515 კინოეკრანზე გადის. ასე რომ შემოსავლების დიდი ნაწილი ფილმს წინ ელოდება
|
|
კატეგორია: საინტერესო ამბავი |
ნანახია: 950 |
დაამატა: xuco
| რეიტინგი: 0.0/0 |
|
|
|
